„ალდაგში“ მხოლოდ "ბავშვთა სამყაროს" შენობა-ნაგებობაა დაზღვეული და არა მოვაჭრეების ქონება, - აცხადებს კომპანიის ქონებრივი ზარალების მართვის დეპარტამენტის დირექტორი ვახტანგ ებიტაშვილი. მისივე თქმით, ჯგუფები ინფორმაციის მიღებისთანავე ჩართულია ზარალის რეგულირების პროცესში.

,,აქტიურად ვთანამშრომლობთ საგანგებო სიტუაციების მართვის სამსახურთან. ამ ეტაპზე, შენობის შიგნით შესვლა პრაქტიკულად შეუძლებელია. ჩვენს ხელთ არსებული ინფორმაციით, დანიშნულია შესაბამისი ექსპერტიზები, მიზეზებისა და ასევე, ზიანის ოდენობის დასადგენად. ჩვენი მხრიდან უმოკლეს დროში მოხდება მოცემული სადაზღვევო შემთხვევის შედეგად დამდგარი ზარალის ანაზღაურება“, - განაცხადა ებიტაშვილმა.

არსებული ინფორმაციით, „ბავშვთა სამყაროს“ შენობა და საქონელიც 6 მილიონ ლარად არის დაზღვეული.