ოქროს ბირჟის მოვაჭრეებს ძვირფასი ლითონები დაუზიანებელი დახვდათ. ,,ბავშვთა სამყაროს“ ტერიტორიაზე მოვაჭრეების შესვლა სამართალდამცავების თანდასწრებით დაიწყო.

საცავიდან გამოსვლის შემდეგ, ერთ-ერთმა მოვაჭრემ განაცხადა, რომ მას თავისი ნივთები სრულად დახვდა. მისივე ინფორმაციით, სრულად და დაზიანების გარეშე დახვდათ ნივთები სხვებსაც.

საცავებში პირველ ეტაპზე ოთხი ადამიანი შევიდა, რომლებსაც საკუთარი ნივთების დათვალიერება და გამოტანა შეეძლებათ. 

საცავებში შეყვანა ხდება სიის მიხედვით და ყველა ჯერზე ოთხ-ოთხი ადამიანი შევა. საცავებში შესვლა სახელითა და გვარით და პირადობის დამადასტურებელი მოწმობით ხდე

„ბავშვთა სამყაროს“ ტერიტორიაზე ხანძარი გუშინ, გამთენიისას გაჩნდა. დამწვარია 15 000 კვადრატული მეტრის ფართი. ადგილზე დასაქმებული მოვაჭრეები ხანძრის ხელოვნურად გაჩენის ფაქტს არ გამორიცხავენ.