ისრაელის პოლიგრაფიული მრეწველობის მსხვილმა კომპანიამ -  AFIC-მა საქართველოში წარმომადგენლობა გახსნა. კომპანია სპეციალიზებულია ჭავლური და ლაზერული პრინტერებისთვის კარტრიჯების  და სხვა პოლიგრაფიული პროდუქციის წარმოებაზე.

AFIC -ი  ქართულ ბაზარს, თავდაპირველად,  მაღალი ხარისხის კარტრიჯებით მოამარაგებს. მომავალში კი  საქართველოში ქარხნის გახსნასაც არ გამორიცხავს.

ამ დღეებში ამოქმედდა, აგრეთვე, კომპანიის ქართულენოვანი საიტი afic.ge

AFIC-ი მომხმარებელს სთავაზობს პროდუქციის როგორც ონლაინ ყიდვას, ასევე, ადგილზე, მათ შორის რეგიონებში მიტანის სერვისს, შესაბამისი ფასდაკლებით.

კომპანიის საქართველოს წარმომადგენლობა  დაკომპლექტებულია ადგილობრივი კადრებით, რომლებიც კონსულტაციებს  ისრაელელი სპეციალისტებისგან იღებენ.

AFIC 1982 წელს დაარსდა და ამჟამად მისი წარმოებული პროდუქციის 80 პროცენტი  ექსპორტზე გადის.

​AFIC-ის პროდუქტების მომხმარებელები არიან როგორც მსხვილი კორპორაციები, ისე სხვადასხვა ორგანო, მათ შორის ქვეყნის თავდაცვის სამინისტრო, ბანკები, საავადმყოფოები, Hi-Tech და სამრეწველო დაწესებულებები, სკოლები, არაკომერციული ორგანიზაციები და დილერები. კომპანიის საქონელს შეხვდებით ყველგან - კომპიუტერულ თუ საკანცელარიო მაღაზიებში, სუპერმარკეტებში, იყიდება, აგრეთვე, Office Depot-ით.

​AFIC-ი  ფლობს შემდეგ საერთაშორისო სერტიფიკატებს: ISO 9001: ეს ადასტურებს, რომ ქარხნის ხარისხის უზრუნველყოფის სისტემა დაცულია კომპანიის საქმიანობის ყველა პროცედურაში - წარმოება, გაყიდვა, შეძენა, კლიენტების მომსახურება და სხვ.

BVQI :  BVQI  საერთაშორისო ბრიტანული ასოციაციაა,  რომლის სერტიფიკაცია აღიარებულია მსოფლიოს სტანდარტიზაციის ინსტიტუტების მიერ.

​STMC: საერთაშირისო სტანდარტი, რომელიც პროდუქტის ხარისხიანობას ადასტურებს.  სტანდარტის მოთხოვნებს რომ შეესაბამებოდეს,  ორგანიზაციამ უნდა გაიაროს სერტიფიკაცია, რაც გულისხმობს შემოწმებებს. მაგალითად, ბეჭდვის ხარისხი, პროდუქტის სიცოცხლისუნარიანობის ხანგრძლივობა და სხვა.

​Green Stamp: ადასტურებს იმას, რომ საწარმოო პროცესი და პროდუქტი შეესაბამება გარემოს დაცვის მოთხოვნებს.