რუსული მედია  A'Studio-ს  სოლისტ ქეთა თოფურიას ახალ რომანზე წერს. კერძოდ, გამოცემა life-სთვის ცნობილი გახდა, რომ უკვე ერთი წელია, რაც ქეთა თოფურია 37 წლის რეპერ გუფთან რომანტიკულ ურთიერთობებს მალავს. Life-ის ინფორმაციით, A'Studio-ს სოლისტმა საახალწლო არდადეგები ტაილანდში რეპერთან ერთად გაატარა. ამის შესახებ გამოცემისთვის თოფურიას მეგობრებისგან გახდა ცნობილი.

წყვილი მოყვარული ჟურნალისტის ობიექტივში მოხვდა, რომელიც რამდენიმე დღის განმავლობაშ ი უთვალთვალებდა ვილას, სადაც ქეთა და ალექსეი დოლმატოვი (სასცენო ფსევდონიმი გუფი) ცხოვრობდნენ. ჟურნალისტის მიერ მოპოვებულ კადრებში მომღერალი გუფის მკერდზე წევს და ირუჯება.

Life-ისთვის ქეთას და გუფის რომანის ზოგიერთი დეტალიც გახდა ცნობილი. წყვილის ახლობლების თქმით, თოფურია და დოლმატოვი ერთმანეთს გასული წლის მარტიდან ხვდებიან, როდესაც A'Studio გუფთან ერთობლივ კლიპს იღებდა.

რუსული გამოცემა წერს, რომ ორ მომღერალს შორის სიმპატია ნამდვილ ვნებად გადაიქცა. ქეთამ და გუფმა შეხვედრები გადასაღები მოედნის მიღმაც დაიწყეს. გამოცემისვე ცნობით, თითქმის ცხრა თვის განმავლობაში ისინი თავიანთი ურთიერთობის დამალვას ახერხებდნენ. თოფურიასა და დოლმატოვის რომანის შესახებ მხოლოდ რამდენიმე ადამიანმა იცოდა  - გუფის საკონცერტო დირექტორმა და ქეთას რამდენიმე მეგობარმა.

ქეთა თოფურია 2013 წელს ბიზნესმენ ლევ გეიხმანს გაყვა ცოლად. მათ ერთი ქალიშვილი- ოლივია შეეძინათ. თოფურიას ქმარი ამჟამად ამერიკაში ცხოვრობს და მუშაობს.