საგარეო საქმეთა მინისტრი მიხეილ ჯანელიძე, ევროპარლამენტის მიერ საქართველოსთვის უვიზო მიმოსვლის მინიჭების მხარდაჭერას ქვეყნის კიდევ ერთ წინგადადგმულ ნაბიჯს უწოდებს.

განცხადება მიხეილ ჯანელიძემ საგანგებო ბრიფინგზე გააკეთა.

"ევროპარლამენტის დეპუტატებმა მხარი დაუჭირეს საქართველოსთან სავიზო რეჟიმის ვიზალიბერალიზაციას და დაამტკიცეს შესაბამისი ცვლილება, რომლის თანახმადაც საქართველო ევროკავშირთან უვიზო რეჟიმის მქონე ქვეყნების სიაში გადაინაცვლებს. ამით პროცესი არ სრულდება კიდევ არის დარჩენილი რამოდენიმე ეტაპი ამის შემდეგ ეს რეჟიმი ამოქმედდება, მაგრამ მე მინდა ხაზი გავუსვა დღევანდელი გადაწყვეტილების მნიშვნელობას, იმ მიმართულებით, რომ დღეს ყველამ ერთად დავინახეთ რა ეთერით რამეხელა მხარდაჭერა აქვს საქართველოს ევროკავშირის მხრიდან, თუ როგორ ფასდება საქართველოს მთავრობის მიერ გაწეული შრომა და ყველა ის რეფორმა, რომელიც განხორციელდა ვიზალიბერალიზაციის პროცესში და არა მხოლოდ, რომელიც ხორციელდება ევროინტეგრაციის პროცესში. ყველა ის ნაბიჯი, რომელიც განსაზღვრავს ევროპულ მომავალს და ჩვენ დავინახეთ მხარდაჭერა ცალსახა მხარდაჭერა ევროკავშირის საქართველოს ევროპული ინტეგრაციისადმი. ეს არის დადასტურება ჩვენი კურსის, ეს არის ჩვენი ქმედებების წარმატების დადასტურება ამ გზაზე,“ - განაცხადა მიხეილ ჯანელიძემ.

საქართველოს საგარეო საქმეთა მინისტრი საქართველოს მოქალაქეებს უვიზო მიმოსვლის მინიჭებას ულოცავს.