კარგი სიახლე საქართველოს მოქალაქეებისათვის - ვიზალიბერალიზაციის დამტკიცება ცხადყოფს, რომ ევროპა თავის დანაპირებს ასრულებს, - ასე აფასებს საქართველოში ევროკავშირის წარმომადგენლობის ხელმძღვანელი იანოშ ჰერმანი ევროპარლამენტის მიერ საქართველოსთვის ვიზალიბერალიზაციის მინიჭების ფაქტს.

მისი თქმით, პროცედურული საკითხებისთვის რჩება მხოლოდ ერთი ნაბიჯი გადასადგმელი და იმედს გამოთქვამს, რომ ის ძალიან მალე მოხდება.

„ეს ძალიან მნიშვნელოვანი შედეგია, ეს არის შედეგი, საქართველოს მიერ წლების განმავლობაში გაწეული სამუშაოსი. ახლა კიდევ მორიგი ნაბიჯია გადასადგმელი, რადგან წევრმა ქვეყნებმა საბჭოში უნდა მიიღონ გადაწყევტილება. უნდა აღინიშნოს, რომ მხოლოდ ერთი ნაბიჯიღა რჩება გადასადგმელი. იმედი მაქვს, ეს ძალიან მალე მოხდება. ვიზალიბერალიზაციის პროცესს პირადად ვაკვირდებოდი ბოლო 2 წლის განმავლობაში და ვიცი რამდენი რამ გაკეთდა,“ - განაცხადა იანოშ ჰერმანმა.

შეგახსენებთ, რომ 553 ხმით 66-ის წინააღმდეგ საქართველოს ვიზალიბერალიზაციას ევროპარლამენტმა მხარი დაუჭირა.