ერთიანი ნაციონალური მოძრაობის დეპუტატ სალომე სამადაშვილის განცხადებით, საპარლამენტო უმრავლესობა პრეზიდენტის ინსტიტუტს პატივს არ სცემს და ეს გამოიხატება თუნდაც იმაში, რომ პრეზიდენტის მხრიდან ვეტოსთან დაკავშირებული არგუმენტების მოსმენა არ მოისურვეს.

„ეს არ არის პირველი შემთხვევა, როდესაც უმრავლესობა პატივს არ სცემს არც საქართველოს კონსტიტუციას, არც პრეზიდენტის ინსტიტუტს და არც საკუთარ ვალდებულებებს, როგორც ხალხის არჩეული წარმომადგენლები.

ამიტომ, ჩემთვის გასაკვირი არაა, რომ ისინი უარს აცხადებენ პრეზიდენტთან თანამშრომლობაზე და მისი არგუმენტაციის მოსმენაზე.

მათ არ აინტერესებთ არანაირი არგუმენტები, რომელიც არ ადასტურებს იმ ინსტრუქციას, რომელსაც ისინი საკუთარი არაფორმალური მმართველი ბიძინა ივანიშვილსიგან იღებენ", - განაცხადა სალომე სამადაშვილმა.