„ეს არ არის პირველი შემთხვევა, როდესაც მოსამართლეები მათზე განხორციელებულ ზეწოლაზე საუბრობენ“ - აღნიშნულის შესახებ ერთიანი ნაციონალური მოძრაობის პოლიტიკური საბჭოს თავმჯდომარის მოადგილე ზაზა ბიბილაშვილმა განაცხადა.

მისივე თქმით, ივანიშვილის ხელისუფლება პირველივე დღიდან აკეთებს ყველაფერს, რომ დაანგრიოს თავისუფალი მედია.

„ეს არის პირველი ასეთი ტიპის სკანდალი, როდესაც უზენაესი სასამართლოს მოსამართლეები თავად საუბრობენ მათ  წინააღმდეგ მიმდინარე ზეწოლებზე. ივანიშვილის ხელისუფლება პირველივე დღიდან აკეთებს ყველაფერს, რომ დაანგრიოს არა მხოლოდ თავისუფალი მედია, არამედ  დაანგრიოს და დაეპატრონოს სასამართლო ხელისუფლებასაც.

მე უნდობლობას ვუცხადებ გამოძიებას, ვინაიდან ამ წლების განმავლობაში, არც ერთი ის საკითხი, რომელიც საზოგადოებას აინტერესებს, დამაჯერებლად არ ყოფილა გამოძიებული.

კიდევ ერთხელ ვიმეორებ, აქედან გამომდინარე, რუსთავი 2-ს გადარჩენა არის არა გამოძიების ხელში, ვინაიდან ისინი საკუთარ თავს ბუნებრივია არ გამოიძიებენ, არამედ ქართველი ხალხის და საერთაშორისო თანამეგობრობის ხელში“, - განაცხადა ზაზა ბიბილაშვილმა.