ავიაკომპანია Alaska Airlines-ის ბორტგამცილებელმა გოგონა ადამიანებით მოვაჭრისგან გადაარჩინა.

შელია ფედრიკმა ჟურნალისტებს განუცხადა, რომ შეაშფოთა უჩვეულო ფაქტმა, როდესაც კარგად ჩაცმული მამაკაცის გვერდით გაწეწილი და მოუწესრიგებელი გოგონა დაინახა.

მისი თქმით, მოზარდი ისე გამოიყურებოდა, თითქოს ჯოჯოხეთი გამოევლოს. როგორც მან ”ენ- ბი-სის” ჟურნალისტებს განუცხადა, მამაკაცმა გოგონასთან გასაუბრების უფლება არ მისცა.

ამის შემდეგ ფედრიკმა სხვებისთვის შეუმჩნევლად გოგონას ანიშნა, რომ ტუალეტში შესულიყო, სადაც მას ბარათი დახვდებოდა. ამავე ბარათზე გოგონამ დაწერა რომ შველა სჭირდებოდა.

მოზარდი ადამიანებით მოვაჭრის მსხვერპლი აღმოჩნდა. ფედრიკმა პილოტს დაუყოვნებლივ  აცნობა, რომელმაც პოლიციას შეატყობინა.

ინციდენტი 2011 წელს მოხდა, თუმცა ჟურნალისტებისთვის ცნობილი მხოლოდ ახლა გახდა, როდესაც საქველმოქმედო ორგანიზაცია Airline Ambassadors-მა  ეკიპაჟის წევრებისთვის ადამიანებით ვაჭრობასთან ბრძოლის წესების შესწავლის კამპანია დაიწყო.

დღეს გოგონა უკვე კოლეჯში სწავლობს და ბორტგამცილებელთან მეგობრობს.