თურქეთში სახელმწიფო გადატრიალების მცდელობასთან დაკავშირებით სამსახურებიდან კიდევ 4500-მდე თანამშრომელი დაითხოვეს
თურქეთის ხელისუფლებამ გასული წლის ივლისში სახელმწიფო გადატრიალების მცდელობასთან დაკავშირებით ჩატარებული ღონისძიებების შედეგად თანამდებობებიდან კიდევ 4500-მდე ადამიანი გაათავისუფლა.
გათავისუფლებულებს შორის არიან განათლების სამინისტროს, ჟანდარმერიისა და საზოგადოებრივი ტელეკომპანია TRT-ის თანამშრომლები.
2016 წლის ივლისში თურქეთში სახელმწიფო გადატრიალების მცდელობა განხორციელდა. პუტჩის ჩახშობის შემდეგ ქვეყნის პრეზიდენტმა რეჯებ ტაიპ ერდოღანმა გადატრიალების მცდელობაში ოპოზიციონერი სასულიერო მქადაგებელი ფეთჰულაჰ გიულენი დაადანაშაულა.
