პარლამენტი დღეს ფარულ საგამოძიებო მოქმედებებთან დაკავშირებული საკანონმდებლო პაკეტის განხილვას იწყებს.

მმართველ გუნდში განმარტავენ, რომ კანონში ცვლილებები საკონსტიტუციო სასამართლოს გადაწყვეტილებასთან თანხვედრაშია და ის ადამიანის უფლებების დაცვის ხარისხს აუმჯობესებს.  

ოპოზიცია კი ცვლილებებს ბუტაფორიულს უწოდებს და ახალი სააგენტოს დამოუკიდებლობას სკეპტიკურად უყურებს. უმრავლესობის მიერ ინიცირებულ პროექტში ე.წ. მოსმენების სამი გასაღებია, რომელიც პერსონალურ მონაცემთა დაცვის ინსპექტორს, უზენაესი სასამართლოს მოსამართლეს და ახალ სააგენტოს ექნებათ.

სიპ-ი უსაფრთხოების სამსახურის ფარგლებში შეიქმნება და მის ხელმძღვანელს პრემიერმინისტრი დანიშნავს. ახალი ცვლილებების მომზადება საჭირო მას შემდეგ გახდა, რაც კამპანია „ეს შენ გეხებას“ სარჩელი დაკმაყოფილდა და საკონსტიტუციო სასამართლომ გარკვეული ნორმები არაკონსტიტუციურად ცნო.

პარლამენტს ახალი სამართლებრივი ნორმების დასამტკიცებლად ვადა  31 მარტამდე აქვს.