პატრიარქი პალატაში გადაიყვანეს – “ყველაფერი კარგად იქნება”
ჰელიოს ბერლინ ბუხ კლინიკაში მყოფი სრულიად საქართველოს კათოლიკოს-პატრიარქი პალატაში გადაიყვანეს. საზოგადოებრივი მაუწყებელი ოპერაციის შემდეგ პატრიარქის მდგომარეობის შესახებ პირველ კადრებს ავრცელებს.
"მადლობელი ვარ რომ შემოხვედით. ყველაფერი კარგად იქნება", - ამბობს პატრიარქი ვიდეოში.
ექიმის შალვა პეტრიაშვილის განცხადებით, სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს სურს, რაც შეიძლება დროზე ჩავიდეს საქართველოში.
სავარაუდოდ, პატრიარქი საავადმყოფოს ერთ კვირაში დატოვებს. მას ნაღვლის ბუშტის ოპერაცია გუშინ ჩაუტარდა.
