თეთრი სახლი: ტრამპი ელოდება, რომ რუსეთი უკრაინას ყირიმს დაუბრუნებს
აშშ-ის პრეზიდენტი დონალდ ტრამპი რუსეთისაგნ უკრაინისთვის ყირიმის დაბრუნებას ელოდება. ამის შესახებ თეთრი სახლის პრეს-მდივანმა შონ სპაისერმა განაცხადა.
”პრეზიდენტ ტრამპს მოლოდინი აქვს იმისა, რომ რუსეთის ხელისუფლება დაიწყებს კონფლიქტის დეესკალაციას უკრაინაში და ყირიმს დააბრუნებს.
სპაისერის თქმით, ტრამპს რუსეთთან ურთიერთობის სურვილი აქვს. ”რათა გადავჭრათ უამრავი პრობლემა, მათ შორის ”ისლამური სახელმწიფოს” პრობლემაც”, - აღნიშნა პრეს-მდივანმა.
რუსეთმა ყირიმის ანექესია 2014 წლის გაზაფხულზე მოახდინა. საერთაშორისო საზოგადოება ნახევარკუნძულს რუსეთის ტერიტორიად არ აღიარებს.
