მოსამართლე ნატა ნაზღაიძის ჯახისთვის კომპენსაციის სახით მიცემული ქონების საქმესა და შესაძლო კორუფციული გარიგების არსებობის საკითხზე, ნატა ნაზღაიძის ძმა ზვიად ნაზღაიძე მთავარ პროკურატურაში დაკითხეს. აღნიშნული ინფორმაცია ზვიად ნაზღაიძემ ”კურიერთან” საუბრისას დაადასტურა.

„სავარაუდოდ დაიწყება გამოძიება იმიტომ რომ დამკითხეს. ჩემი და რატომ უნდა დაეკითხათ, ამ საქმესთან საერთოდ არაფერ შუაში არ არის. პროვოკატორები ხართ, რა შუაშია ჩემი და,“-განაცხადა ზვიად ნაზღაიძემ.

ზვიად ნაზღაიძე მოძრაობა ”ევროპული საქართველოს” ერთ-ერთი ლიდერის, ირაკლი აბესაძის მიერ გავრცელებულ იმ ინფორმაციასაც გამოეხმაურა, რომლის მიხედვითაც ზვიად ნაზღაიძემ კომპენსაციის სახით გადაცემული მიწის ნაკვეთის გადაფორმება ზვიად ჩოხელის სახელზე ოფიციალურად დაიწყო.

„ჩვენ უნდა გადაგვეფორმებინა ნაკვეთ პარასკევს, იყო ჩემი დაბადების დღე, ამიტომ მერე ეს მოვლენები, რომ წავიდა, ეს თქვენი პროვოკაციული რაღაცეები გადავაფორმეთ ჩვეულებრივ რეჟიმში, დოკუმენტები მივაწოდე მერე გადავაფორმე. მანამდე იყო რაღაც პროცედურები იუსტიციის სახლში, რასაც სჭირდებოდა 10 სამუშაო დღე როდესაც ეს ყველაფერი დასრულდა უკვე იყო ჩემს სახელზე, კიდევ მოხდა გამიჯვნა და უნდა გადამეფორმებინა ზუსტად მაგ პერიოდში და იყო პარასკევი და უნდა გადამეფორმებინა ორშაბათს.

"მე მგონი საკმარისი დოკუმენტები დავდეთ მეც და მეც და ზვიადმაც ამ ისტორიასთან დაკავშირებით და საკმარისად მივაწოდეთ ინფორმაცია. აღარ გიპასუხებთ ზედმეტ შეკითხვებზე,“-განუცხადა კურიერს ზვიად ნაზღაიძემ.