მეხიკოსა და მექსიკის კიდევ სხვა რამდენიმე პროვინციაში რადიოქატიური ნივთიერებებით დატვირთული კონტეინერის გატაცების გამო განგაში გამოცხადდა. ამის შესახებ Twitter-ში მექსიკის სამოქალაქო თავდაცვის საქმეთა კოორდინატორი ლუის ფელიპე პუენტე წერს.

განგაში ექვსი შტატის ტერიტორიაზე გამოცხადდა, სადაც 32 მლნ ადამიანი ცხოვრობს.

”განგაში რადიაციის წყაროს გატაცების გამო კერეტაროს, იდალგოს, მეხიკოს, გუანახუატოს, სან-ლუის-პოტოსისა და მიჩოაკანის შტატებში გამოცხადდა. თუ კი მას (კონტეინერს ) დაინახავთ, აცნობეთ 911-ის სამსახურს და არ გახსნათ ის”, - წერს პუენტე.

რადიოაქტიური მასალები ხშირად ხვდება მექსიკის კრიმინალური დაჯგუფებების ხელში.