სტამბულში ”ისლამურ სახელმწიფოსთან” კავშირისთვის 35 პირი დააკავეს
სტამბულის პოლიციის ტერორიზმთან ბრძოლის სამმართველოს თანამშრომლებმა ”ისლამურ სახელმწიფოსთან” კავშირში მყოფი 35 ეჭვმიტანილი დააკავეს.
სააგენტო Anadolu-ს ცნობით, პოლიციელებმა სულთანბეილისა და პენდიკის რაიონებში 41 მისამართზე ჩხრეკა ერთდროულად ჩაატარეს. ამოღებულია ამუნიცია და დოკუმენტაცია, რომლებიც ”ისლამურ სახელმწიფოსთან” დაკავებულების კავშირს ადასტურებდა.
დაკავებულები ტერორიზმთან ბრძოლის განყოფილებაში გადაიყვანეს.
