ერაყის შეიარაღებულმა ძალებმა მოსულის აეროპორტსა და ალ-ღაზლიანის ბანაკზე ფართომასშტაბიანი შეტევა დაიწყეს.

როგორც ტელეკომპანია Sky News Arabia იტყობინება, ფედერალური პოლიციის ქვედანაყოფები და სწრაფი რეაგირების ძალები ავიაციისა და მძიმე არტილერიის დახმარებით აეროპორტს რამდენიმე მიმართულებით უტევენ. მათ ”ისლამური სახელმწიფოს” თავდაცვითი ნაგებობების უდიდესი ნაწილი გაანადგურეს.

მოსულის დასავლეთ ნაწილის გათავისუფლების ოპერაცია ერთი კვირის წინ დაიწყო. მასში ერაყის 9 ჯავშანსატანკო დივიზია, შსს-ის სწრაფი რეაგირების ქვედანაყოფებები და შიიტთა სახალხო შენაერთები მონაწილეობენ.

მოსულის აღმოსაველთ ნაწილი ტერორისტებისგან  2016 წლის ოქტომბერში საერთაშორისო კოალიციის დახმარებით ერაყის არმიამ  მთლიანად გაათავისუფლა. ქალაქის დასვალეთ ნაწილს ჯერ კიდევ ”ისლამური სახელმწიფოს” მებრძოლები აკონტროლებენ.