პაკისტანში აფეთქებას 6 ადამიანი ემსხვერპლა
აფეთქება მოხდა პაკისტანის ქალაქ ლახორში. ინციდენტის შედეგად დაიღუპა ექვსი ადამიანი, 15 კი დაშავდა.
წინასწარი მონაცემებით, აფეთქება დილით ერთ-ერთ კომერციულ დაწესებულებაში მოხდა. დაზიანდა შენობის ნაწილი.
პოლიცია აფეთქების მიზეზებს ადგენს. სამაშველო სამსახურების წარმომადგენლებმა მედიას განუცხადეს, რომ გენერატორი აფეთქდა. ამასთან სამართალდამცველები ტერაქტსაც არ გამორიცხავენ.
