ჭყონდიდის მიტროპოლიტი პეტრე ცაავა დეკანოზ მამა გიორგი მამალაძესთან არ შეუშვეს. მისი შეფასებით, ხელისუფლება დიდ შეცდომას უშვებს.

„მოულოდნელი პასუხი მივიღე, რომ არ მიშვებენ მამა გიორგის სანახავად. მე ვფიქრობ, რომ ძალიან დიდ შეცდომას უშვებს ხელისუფლება ამ შემთხვევაში. მიზეზი ჩემთვის არ განუმარტავთ”, - განაცხადა მიტროპოლიტმა.

მისივე შეფასებით, არასწორი იყო მამა მიქაელ ბოტკოველის განცხადება იმათან დაკავშირებით, რომ ბრალდებულთან სასულიერო პირების შესვლა უსაფრთხოების ნორმების გამო არ შეიძლება.

,,უბრალოდ იყო თხოვნა, რომ ჩვენ გამოძიების პროცესში საგამოძიებო საკითხებთან დაკავშირებით არ გაგვეკეთებინა განცხადება, მაგრამ ის, რომ მამა გიორგი დაპატიმრებული მღვდელი და უდანაშაულო ადამიანი, სასულიერო პირმა არ მოინახულოს, საქართველოს ქრისტიანობის ისტორიას არ ახსოვს”, - აღნიშნა მიტროპოლიტმა პეტრე ცაავამ.