უკრაინელმა უფლებადამცველმა ოლეგ კურჩინმა  ოდესის ოლქის ყოფილი გუბერნატორის მიხეილ სააკაშვილის წინააღმდეგ ქვეყნის სუვერენიტეტის შელახვისთვის გენერალურ  პროკურატურაში განცხადება შეიტანა. ამის შესახებ უკრაინული გამოცემა segodnya.ua წერს.

უფლებადამცველი მიიჩნევს, რომ სააკაშვილი თავის საჯარო გამოსვლებში ოდესის ოლქის მიმართ შეურაცხმყოფელი გამონათქვამებით გამოირჩეოდა.  

კურჩინს მაგალითად მოყავს სააკაშვილის შემდეგი გამონათქვამები: ”რა თქმა უნდა, ყველა ხელს გვიშლიდა, ვიცოდი, რომ ასე იქნებოდა... რადგანაც ის სეპარატისტული რეგიონია, აქ ხელისუფლებაში ყველა სეპარატისტია”.

”ნაციონალური შუღლის გაღვივებამ ანუ მიხეილ სააკაშვილის ქმედებამ შესაძლოა ოდესის, კიევის, დონეცკის, ლუგანსკის მოსახლეობა ერთმანეთს დაუპირისპიროს”, - ციტირებს გამოცემა კურჩინს.