ცენტრპოინტის დამფუძნებელს და დირექტორს მაია რჩეულიშვილს 250 000 ლარის უძრავი ქონება ჩამოერთმევა. საქალაქო სასამართლოს მოსამართლემ ეს გადაწყვეტილება დღევანდელ პროცესზე მიიღო. 

პროკურორის განცხადებით, მაია რჩეულიშვილმა  გირაოს ღონისძიების პირობა დაარღვია და საგამოძიებო უწყებამ სწორედ ამიტომ მოითხოვა მისთვის ქონების ჩამორთმევა.  საუბარია 250 000 ლარზე, რომელიც ბრალდებულს ერთ-ერთ ეპიზოდზე გირაოს სახით ჰქონდა შეფარდებული. ბრალმდებლის თქმით, რჩეულიშვილმა  ახალი დანაშაული ჩაიდინა, მაშინ, როდესაც აღკვეთი ღონისძიების სახით ერთ-ერთ ეპიზოდზე, პატიმრობის ნაცვლად, გირაოთი გათავისუფლდა.

ახალი ბრალი პროკურატურამ რჩეულიშვილს რამდენიმე დღის წინ წაუყენა. გამოძიება მაია რჩეულიშვილს ამჯერად 236 177 ლარის მითვისებას ედავება.