აშშ-ის პრეზიდენტი დონალდ ტრამპი ”ოსკარის” დაჯილდოების  89-ე ცერემონიის წამყვანის კომიკოს ჯიმი კიმელის ხუმრობების მთავარი ობიექტი გახდა.  კიმელი ცერემონიის დროს Twitter-ში მას შეტყობინებს უგზავნიდა.

”ცერემონია უკვე ორ საათზე მეტხანს გრძელდება, დონალდ ტრამპს კი ჩვენს შესახებ ჯერ არაფერი დაუწერია... მასზე უკვე ვღელავ”, - აღნიშნა კიმელმა.

კამერებმა მისი სატელეფონო შეტყობინების გამოსახულება სცენის დიდ ეკრანზე გამოიტანეს. ”არ გძინავს?”- წერდა წამყავნი ტრამპს.

მისმა გზავნილმა რამდენიმე წუთში 260 ათასზე მეტი მოწონება დაიმსახურა. კიმელმა პირობა დადო რომ პრეზიდენტის რეაქციას თვალ-ყურს მიადევნებდა.

კიმელის ხუმრობების უმეტესობა ”ოსკარის” დაჯილდოების ცერემონიაზე აშშ-ის პრეზიდენტს ეხებოდა. ოსკაროსანი შვედი ოპერატორის ლიბუს სანგრენის სცენიდან გაცილებისას, მან შანსი ხელიდან არ გაუშვა და ”შვედეთში მომხდარის” გამო მიუსამძიმრა. გასულ კვირას ტრამპმა ერთ-ერთი ტელეარხის სიუჟეტი არასწორად გაიგო და მწუხარება გამოთქვა შვედეთის ტერაქტის გამო, რომელიც არ მომხდარა.

ჰოლივუდი, რომელიც ლიბერალური განწყობით არის ცნობილი, ტრამპს მისი გამონათქვამებისა და ქმედებების გამო მუდმივად აკრიტიკებს. შოუ-ბიზნესის წარმომადგენლები ქვეყნის პრეზიდენტის საწინააღმდეგო გამოსვლებშიც იღებენ მონაწილეობას.