საქართველოს 30 მოქალაქე ისრაელში არ შეუშვეს
საქართველოს 30 მოქალაქე ისრაელში არ შეუშვეს. მათი განცხადებით, ებრაელ მესაზღვრეებს საბუთები არ შეუმოწმებიათ და დეპორტაციის მიზეზი არ განუმარტავთ.
ისინი ჩაფრენისთანავე სადეპორტაციო ციხეში გადაიყვანეს, სადაც, მათი თქმით, 3 დღის განმავლობაში გაუსაძლის პირობებში იმყოფებოდნენ.
დაკავებულები საქართველოს საკონსულოს წარმომადგენელმა მოინახულა. ისინი საქართველოში წუხელ დაბრუნდნენ.
დეპორტირებულები ისრაელის საელჩოსთან აქციას გამართავენ და საქართველოს ხელისუფლებისგან განმარტებას მოითხოვენ.
