თურქეთის რკინიგზაზე აფეთქება მოხდა
აფეთქება მოხდა თურქეთის რკინიგზაზე. ინციდენტი დიარბაქირის პროვინციაში მოხდა. შედეგად სატვირთო მატარებლის სამი ვაგონი რელსებიდან გადავიდა.
სააგენტო Anadolu-ს ცნობით, წინასწარი მონაცემებით, აფეთქების შედეგად არავინ დაშავებულა. მომხდარის მიზეზები ჯერჯერობით დაუდგენელია, სამართალდამცველები დივერსიას არ გამორიცხავენ.
დიარბაქირის პროვინციაში აქტიურად მოქმედებს თურქეთში აკრძალული ქურთების მუშათა პარტია.
