ამერიკული კერძო კომპანია SpaceX-ი ორ ადამიანს მთვარეზე გაამგზავრებს.

კომპანიის დამფუძნებლის ილონ მასკის თქმით, კოსმოსური ხომალდის მგზავრები არა ასტრონავტები, არამედ კერძო პირები იქნებიან.

ამასთან SpaceX-ის ხელმძღვანელმა კოსმოსური ტურისტების ვინაობის გამხელისგან თავი შეიკავა, მხოლოდ განაცხადა, რომ ისინი ერთმანეთს იცნობენ და ჰოლივუდიდან არ არიან. წელს მომავალი კოსმოსური ტურისტები სამედიცინო შემოწმებას გაივლიან და გაფრენისთვის მზადება დაიწყება.

კოსმოსური ხომალდი მოგზაურობისთვის გამოცდას უკვე გადის და წელს სავარაუდოდ ის არაპილოტირებულ გაფრენას განახორციელებს.

კოსმოსური ხომალდის პირველი გაფრენა არაპილოტორებული იქნება, ტურისტებთან ერთად კი  2018 წლის მეორე დეკადაში გაფრინდება.  

SpaceX-ის ჩანაფიქრით ხომალდი მთვარეს გარშემო შემოუფრენს და მასზე არ დაჯდება.