”ისლამური სახელმწიფოს” მებრძოელებმა მოსულთან მასობრივი სამარხი დანაღმეს, რათა ჟურნალისტებისა და გამომძიებლებისათვის ზიანი მიეყენებინათ. ამის შესახებ გაზეთი Times-ი წერს. როგორც ცნობილია, მოსულთან, ჰასფის რაიონში იპოვეს მასობრივი სამარხი, სადაც 4 ათასამდე ცხედარი იყო დამარხული. მებრძოლები ტყვეებს კლავდნენ და სამარეში მარხავდნენ.

რამდენიმე დღის წინ რეპორტაჟის მომზადებისას ბომბის აფეთქების შედეგად ქურთული ტელეარხის Rudaw-ის ჟურნალისტი შიფა გარდი დაიღუპა. მასთან ერთად დაიღუპა კიდევ ხუთი ადამიანი.

ერაყის შეიარაღებული ძალების წარმომადგენლების თქმით, სამარხის გარშემო წარმოუდგენლად დიდი რაოდენობით ბომბი აღმოჩნდა. ”ეს გამიზნულად მიმართული იყო მათ წინააღმდეგ, ვისაც ”ისლამური სახელმწიფოს” მიერ ჩადენილი მხეცობის გამოძიება სურდათ”, - განაცხდეს სამხედროებმა.