აშშ-ის პრეზიდენტის დონალდ ტრამპის ახალ საიმიგრაციო განკარგულებაში ერაყს სიიდან ამოიღებენ. ამის შესახებ ”ასოშიეიტედ პრესი” თავის წყაროზე დაყრდნობით წერს.  განკარგულების  თანახმად, აშშ-ში შესვლა დროებით ეკრძალებათ ლტოლვილებსა და შვიდი, ძირითადად მუსლიმებით დასახლებული ქვეყნის მოქალაქეებს.

ეს გადაწყვეტილება უკავშირდება პენტაგონისა და სახელმწიფო დეპარატამენტის მხრიდან ზეწოლას, რომლებმაც თეთრ სახლს სიიდან ერაყის ამოღებისკენ  მოუწოდეს. პენტაგონის განცხადებით, ერაყი გადამწყვეტ როლს ასრულებს ”ისლამურ სახელმწიფსოთან” ბრძოლაში. დანარჩენი ექვსი ქვეყანა ახალ ბრძანებულებაში ისევ დარჩება.  

სააგენტოს ცნობით, ტრამპი ახალ განკარგულებას ხელს დღეს მოაწერს.

ახალი განკარგულება აშშ-ში შესვლას უკრძლავს სირიის, ირანის, ლიბიის, სომალის, სუდანისა და იემენის მოქალაქეებს.