”რუსთავი 2”-ის მხარდამჭერ აქციაზე ლაშა ბუღაძე იმყოფება. მწერლის განცხადებით, საზოგადოებამ კრიტიკული და თავისუფალი სივრცე უნდა დაიცვას. მისივე თქმით, ”რუსთავი 2”-ის დასაცავად საზოგადოების მხარდაჭერა აუცილებელია.

„დღეს კრიტიკული ”რუსთავი 2” არის აუცილებელი ქართული დემოკრატიისთვის,“- აღნიშნა ბუღაძემ.

„დღევანდელი ”რუსთავი 2”-ის ფუნქცია არის საზოგადოებრივი ფუნქციაა. კრიტიკულობა, გახსნილობა, რეაგირება პრობლემებზე ყველაზე რადიკალურად, აქტიურად ეს ”რუსთავი 2”-დან ისმის, ჩემი აქ მოსვლით, ან საზოგადოების მხარდაჭერით ”რუსთავი 2”-ის მიმართ, მე ამ ტელევიზიას ვიცავ, ან მცდელობა მაქვს როგორც ივანიშვილისგან, ასევე სააკაშვილისგან, ასვე ნაციონალური მოძრაობისგან, მნიშვნელოვანია, რომ ჩვენი იყოს ეს ტელევიზია, საზოგადოების იყო ეს ტელევიზია,“- განაცხადა ლაშა ბუღაძემ.

„ჯარჯი აქიმიძე და დათო დვალისადმი მიუხედავად მათ მიმართ პატივისცემისა, არ მაქვს გარანტია, რომ ისინი მოახერხებენ ან ბატონი ხალვაშის პირობებში რადიკალიზმი და თავისუფლება დაიცვან, რაც საჭიროა, რომ რუსთავი 2-ს ჰქონდეს ხელისუფლებასთან ოპონირების პირობებში,“- აღნიშნა ბუღაძემ.