სააგენტო Bloomberg-მა პლანეტის 500 ყველაზე მდიდარი ადამიანის განახლებული სია საკუთარ ვებგვერდზე გამოაქვეყნა. მსოფლიოს მილიარდერების განახლებულ რეიტინგში ქართველი მილიარდერი და ყოფილი პრემიერმინისტრი ბიძინა ივანიშვილი 5.52 მილიარდი დოლარით 276-ე ადგილზეა.

Bloomberg-ის რეიტინგის სათავეში Microsoft-ის დამფუძნებელი ბილ გეითსია (85,6 მილიარდი დოლარი), მეორე ადგილზე - ამერიკელი ბიზნესმენი უორენ ბაფეტი (78,9 მილიარდი), მესამე ადგილზე - Amazon-ის ხელმძღვანელი ჯეფ ბეზოსი (73,5 მილიარდი).

პირველ ათეულში მოხვდნენ ასევე ესპანური კომპანიის Inditex-ის დამფუძნებელი ამანსიო ორტეგა (69,3 მილიარდი), Facebook-ის დამფუძნებელი მარკ ცუკერბერგი (59,1 მილიარდი), მექსიკელი ბიზნესმენი კარლოს სლიმი (53 მილიარდი), კორპორაცია Koch Industries-ის თანამფლობელები ძმები ჩარლზ და დევიდ კოხები (თითოეული 48,1 მილიარდით), კორპორაცია Oracle-ის დირექტორთა საბჭოს თავმჯდომარე ლარი ელისონი (45,3 მილიარდი), ასევე IKEA-ს დამფუძნებელი ინგვარ კამპარდი (42,9 მილიარდი).