ინდოეთის კარნატაკის შტატში სამი ადამიანი 10 წლის გოგონას გატაცებასა და მისი მსხვერპლად შეწირვისთვის დააკავეს.

BBC-ის ცნობით, მომხდარის მიზეზი სოფლის ერთ-ერთი  მაცხოვრებლის ავადმყოფობა გახდა.

 მისმა ოჯახის წევრებმა ადგილობრივ ჯადოქარს მიმართეს, რომელმაც უთხრა, რომ მათი ნათესავი დაწყველილია და წყევლის  მოხსნა ადამიანის მსხვერპლად შეწირვის შედეგად იქნება შესაძლებელი.

მათ რიტუალის შესასრულებლად იმავე სოფელში მცხოვრები 10 წლის გოგონა გაიატაცეს.

 გოგონას ცხედარი სოფლის ბოლოს იპოვეს. ჯადოქარმა ის ჩანთაში რიტუალის დროს გამოყენებულ ნივთებთან ერთად დამალა.

აღშფოთებულმა ხალხმა გოგონას გამტაცებლების სახლს ალყა შემოარტყა და მათ ფიზიკურ განადგურებას ცდილობდა, თუმცა ადგილზე პოლიცია მივიდა და გოგონას სამივე გამტაცებელი დააკავა.

კარნატაკის შტატი ინდოეთის სამხრეთ ნაწილში მდებარეობს. იმის მიუხედავად, რომ მისი დედაქალაქი - ბანგალორი  ერთ-ერთი დინამიურად მზარდი მეგაპოლისია, შტატში განათლების საშუალო დონე მხოლოდ 66,6 პროცენტს შეადგენს.