დასავლური მედია 47 წლის ჯენიფერ ლოპესისა და ბეისბოლის მოთამაშე ალექს როდრიგესის რომანზე ალაპარაკდა. როგორც People ამტკიცებს, ახალი რომანი უკვე სამი კვირაა გრძელდება.

”ჯენიფერი  აღფრთოვანებულია თავისი ახალი შეყვარებულით. ალექსი დიდ დროს ატარებს მის ოჯახთან და ჯენს ძალიან მოსწონს, რომ მას უკვე შვილები ჰყავს.

თუმცა ჯენიფერი არ აგებს ოცნების კოშკებს, რადგან ესმის, რომ ალექსი ბევრ ქალს მოსწონს, ამიტომაც დიდ სიფრთხილეს იჩენს. ჯენიფერს მოსწონს მასთან ყოფნა და უყვარს პაემნებზე სიარული”,- განუცხადა გამოცემას წყარომ.

ლოპესისა და როდრიგესის წარმომადგენლებმა რომანის შესახებ კომენტარი ჯერ არ გაუკეთებიათ.

საინტერესოა, რომ 2008 წელს გავრცელდა ჭორი ალექსისა და მადონას ურთიერთთობის შესახებ. ახლა დაზუსტებულად შეიძლება ითქვას, რომ ალექსის მაშინდელმა ცოლმა სინტია სკერტისმა (მათ ორი ქალიშვილი ჰყავთ- 12 წლის ნატაშა და 8 წლის ელა) ტაბლოიდებში გავრცელებული ინფორმაციის შემდეგ ქმართან განქორწინება გადაწყვიტა. თუმცა მადონამ განაცხადა, რომ ისინი მხოლოდ მეგობრები არიან.