13 წლის მოზარდს სელფის გადაღებისას მატარებელმა გადაუარა
ცამეტი წლის იტალიელი მოზარდი სელფის გადაღებისას მატარებლის ბორბლების ქვეშ მოყვა და დაიღუპა. ადგილობრივი მედიის ცნობით, ინციდენტი ქვეყნის სამხრეთით ტარანტოსა და რეჯო-დი-კალაბრიას სარკინიგზო მონაკვეთზე მოხდა. სამმა მოზარდმა ბვდის გამოცდა სცადა და მოახლოებული მატარებლის ფონზე სელფის გადაღება გადაწყვიტა. თუმცა მათი ჩანაფიქრი ტრაგედიით დასრულდა: 13 წლის ლეონარდო ჩელიამ რელსებიდან გადახტომა ვერ მოასწრო და დაიღუპა.
მის ორ მეგობარს კი გაუმართლა. მცირე დაზიანებებით ისინი საავადმყოფოში გადაიყვანეს. ჟურნალისტების ცნობით, მოზარდები შოკურ მდგომარეობაში იმყოფებიან.
