საუდის არაბეთის მეფე სალმან ბინ აბდულაზიზი ტოკიოს ოფიციალური ვიზიტით 10 თვითმფრინავით ეწვია. ეს ბოლო 46 წლის განმავლობაში იაპონიაში მეფის პირველი ვიზიტია. მას ახლავს 1500-კაციანი ამალა, მათ შორის არის 25 პრინცი, კიდევ მინისტრები და ბიზნესმენები. მისი აღმატებულების ტვირთი 459 ტონას შეადგენს.

იაპონური მედიის ცნობით, ტოკიოში დელეგაციის გადასაადგილებლად გამოყოფილია 500-ზე მეტი ლიმუზინი. იაპონიის დედაქალაქის საუკეთესო სასტუმრობში კი ათასზე მეტი ნომერია დაჯავშნილი.

აეროპორტში 81 წლის მეფეს იაპოინიის ტახტის მემკვიდრე - პრინცი ნარუჰიტო დახვდა. სალმან ბინ აბდულაზიზი თვითმფრინავიდან სპეციალური ტრაპ-ესკალატორით ჩამოვიდა.

მეფეს დაგეგმილი აქვს შეხვედრები იაპონიის პრემიერ-მინისტრთან სინძო აბესთან და იმპერატორ აკიჰიტოსთან.

მანამდე საუდის არაბეთის მეფე ოფიციალური ვიზიტით ინდონეზიაში იმყოფებოდა, სადაც 460 ტონა ტვირთით ჩავიდა.