ჟურნალისტები და მოდელები პოდიუმზე ამჯერად დიზაინერმა ნინო ქორთოშიძემ გააერთიანა.

„fashion ბუტიკის“ კოსტიუმებში გამოწყობილმა ჟურნალისტებმა და მოდელებმა კოლექცია „ასა ჰოლში“ წარმოადგინეს.  

„ასა ჰოლის“ შესანიშნავი ბენდის გარდა, მომღერლებმა _ კახა კუხიანიძემ და ქეთი გომართელმა თავიანთ სიმღერებთან ერთად, ცნობილი უცხოური ჰიტებიც შეასრულეს.

„დიდი მადლობა თითოეულ ჟურნალისტს და მოდელს, ვინც ამ საღამოში მიიღო მონაწილეობა. ყველაფერმა ძალიან კარგად და ლამაზად ჩაიარა. მადლობა მომღერლებს, რომლებმაც იზრუნეს დამსწრე საზოგადოების განწყობაზე. სამომავლოდ ვაპირებ, უფრო ფართომასშტაბიანი ჩვენების გაკეთებას, რომელსაც გაცილებით გრანდიოზული სახე ექნება, ვიდრე იყო“, - განაცხადა დიზაინერმა ნინო ქორთოშიძემ.

მონაწილეთა ფოტოსესიაზე მთელი საღამოს განმავლობაში, ფოტოგრაფი _ ალექსანდრე სხულუხია ზრუნავდა.

საღამო, ტორტის საზეიმო გაჭრითა და ჩვეული ჟურნალისტური მხიარულებით დასრულდა.