საფრანგეთის პროკურატურამ პრეზიდენტობის კანდიდატს ფრანსუა ფიიონს სახელმწიფო სახსრების გაფლანგვისთვის ბრალი ოფიციალურად წაუყენა.

პრეზიდენტობის კანდიდატი სკანდალში მას შემდეგ გაეხვა, რაც ცნობილი გახდა, რომ მან თავისი ცოლი და შვილები პარლამენტში დაასაქმა.

1986- 2013 წლებში ფიონის მეუღლე პენელოპი საბიუჯეტო სახსრებიდან ხელფასის სახით ასობით ათას ვეროს იღებდა. გამოძიება სწავლობს რეალურად ასრულებდნენ თუ არა ფრანსუა ფიიონის ოჯახის წევრები სამუშაოს ანაზღაურების სანაცვლოდ.

გამოცემა Le Canard enchaîné-ს ცნობით, პენელოპ ფიიონმა 500 ათასამდე ევრო აიღო პარლამენტში თავისი ქმრის თანაშემწედ მუშაობის პერიოდში.

საფრანგეთის კანონმდებლობა არ უკრძალავს დეპუტატებს თავიანთი ოჯახის წევრების დასაქმებას თანაშემწის თანამდებობაზე, თუმცა პენელოპის მაღალმა ხელფასმა კითხვები გააჩინა.