პოეტი და საქართველოს მწერალთა კავშირის აფხაზეთის ორგანიზაციის თავმჯდომარე გენო კალანდია 78 წლის ასაკში გარდაიცვალა. მისი ლექსები პერიოდულად იბეჭდებოდა სხვადასხვა გამოცემაში. პოეტის ლექსების კრებული „ცა და ფოთლები“ 1967 წელს სოხუმში გამოიცა. მოგვიანებით სოხუმშივე გამოქვეყნდა მისი ლექსები „ზაფხულის სიზმრები“ და „ფესვები“. 1972 წელს „თოვლის სასახლე“ თბილისში დაიბეჭდა. გენო კალანდიას ეკუთვნის ასი სონეტი - „გრაალი და კარიატიდები“ და პოეტის „ასი ლექსი“.

გენო კალანდია სხვადასხვა პერიოდში მუშაობდა შემდეგ თანამდებობებზე - იყო აფხაზეთის გ. შარვაშიძის სახ. სახელმწიფო პრემიების კომიტეტის თავმჯდომარე, აფხაზეთის გათავისუფლების პარტიის წევრი, ასევე აფხაზეთის უმაღლესი საბჭოს დეპუტატი, საქართველოს მწერალთა კავშირის აფხაზეთის ორგანიზაციის თავმჯდომარე და საქართველოს პარლამენტის წევრი.

1994 წელს ის საქართველოს სახელმწიფო პრემიითაც დაჯილდოვდა.