დიდ ბრიტანეთში გამართულ აუქციონზე ანონიმმა მყიდველმა ადოლფ ჰიტლერის პირადი ფოტოების ალბომი შეიძინა.

ფოტოალბომი 1945 წლის აპრილში საბჭოთა ჯარისკაცებმა ჰიტლერის ბუნკერში იპოვეს, შემდეგ კი ფოტოგრაფ ედვარდ დინსა და დიქტორ რიჩარდ დიმბლბის გადასცეს.

ალბომში მოთავსებულია ჰიტლერის შავ-თეთრი  ფოტოები, რომლებიც იოზიფ გებელსთან, გერმან გერინგთან და ჰენრიჰ ჰიმლერთან არის გადაღებული, ასევე ფოტოები, რომლებზეც ფიურერი ავტოკოლონით მასთან შესახვედრად გამოსული ხალხის მასაში გადაადგილდება.

ერთ-ერთ ფოტოსურათზე ჰიტლერი ვერანდაზე წიგნს კითხულობს. ექპსერტების აზრით, ამ რაკურსით გადაღება მხოლოდ იმ პირს შეეძლო, ვისაც ამის უფლება ჰქონდა.

ფოტოალბომის ფასი 18 ათასზე მეტ დოლარს შეადგენდა.