მარჯანიშვილის მოედანზე გარემოვაჭრეთა აქცია მიმდინარეობს
თბილისში, მარჯანიშვილის მოედანზე გარემოვაჭრეთა საპროტესტო აქცია მიმდინარეობს, ტერიტორიაზე ამჟამად 10-მდე ადამიანია შეკრებილი.
მოვაჭრეები დღეს დილით განხორციელებულ წმენდას აპროტესტებენ, მერიისა და პოლიციის თანამშრომლებმა მათ გარევაჭრობა აუკრძალეს. გარემოვაჭრეების ერთი ნაწილი ამბობს, რომ ალერნატიული ფართის შემოთავაზებაზე თანახმა არიან, ნაწილი კი შემოთავაზებას არ თანხმდება.
გარემოვაჭრეები აქციას მარჯანიშვილის მოედანზე ხვალაც გამართავენ. ისინი შეკრებას დილის 9 საათიდან აპირებენ.
