მიმდინარე წელს რუსეთიდან ხორბლისა და მელისინის იმპორტი 12,4 %-ით

გაიზარდა. „საქსტატის“ ინფორმაციით, 2015 წლის იანვარ-სექტემბერში რუსეთიდან 353,017.5 ტონა ხორბლის იმპორტი განხორციელდა, ეს იმ ფონზე, როდესაც გასული წლის ანალოგიურ პერიოდში აღნიშნული მაჩვენებელი 314,168.7 ტონა იყო.

2015 წლის 9 თვეში ქვეყანამ 80,194.7 ათასი დოლარის ღირებულების რუსული ხორბალი მოიხმარა, ხოლო 2014 წლის 9 თვეში კი ქვეყანაში 85,197.3 ათასი დოლარის ღირებულების ხორბალი შემოვიდა. შესაბამისად, მიმდინარე პერიოდისთვის რუსული ხორბლის იმპორტი თანხობრივ გამოსახულებაში თიტქმის 6 %-ითაა შემცირებული.

სტატისტიკური ინფორმაციის მიხედვით, 2006 წლიდან, ანუ ემბარგოს გამოცხადებიდან 2008 წლის ჩათვლით, საქართველოში რუსული ხორბლის იმპორტს კლების ტენდენცია ქონდა. სწორედ ამას მიუთითებს „საქსტატის“ ინფორმაცია,. რომლის მიხედვითაც 400,908.4 ტონიდან (2006 წელი) იმპორტი 192,021.4 ტონამდე (2008 წელი) შემცირდა.

თუმცა 2009 წელს საქართველოში რუსული ხორბლის იმპორტმა 2006 წლის მაჩვედნებელსაც კი გადააჭარბა და 433,698.7 ტონა შეადგინა.

ამის შემდეგ საქართველოში რუსული ხორბლის იმპორტმა 2013 წლამდე ისევ შემცირება დაიწყო.

სტატისტიკური ინფორმაციის მიხედვით, 2013 წელს საქართველოში რუსეთიდან 569,312.1 ტონა ხორბლის იმპორტი დაფიქსირდა, ხოლო 2014 წელს კი რუსული ხორბლის იმპორტმა 494,010.4 ტონა შეადგინა, შესაბამისად კლებამ 13%-ი შეადგინა.