საფრანგეთის შინაგან საქმეთა მინისტრი ბრიუნო ლე რუ კორუფციული სკანდალის ფონზე გადადგა. მინისტრს საფრანგეთის პარლამენტში თავისი ქალიშვილების მაღალანაღზაურებად სამსახურში დასაქმებაში ადანაშაულებენ.

ქვეყნის ახალ შინაგან საქმეთა მინისტრად მატიას ფეკლი დაინიშნა. ის 2014 წლიდან საგარეო საქმეთა სამინისტროში მუშაობდა.

ლე რუს მისამართით ბრალდებები მას შემდეგ გაისმა, რაც გავრცელდა ინფორმაცია დეპუტატების თანაშემწეებად მისი ქალიშვილების დანიშვნის შესახებ. მათ ამ პოზიციებზე რამდენიმე წლის განმავლობაში იმუშავეს და ხელფასის სახით 60 ათასი დოლარი აიღეს.

ლე რუ არ უარყოფდა მისი ქალიშვილების დასაქმების შესახებ, თუმცა აღნიშნავდა, რომ ასეთ პრაქტიკას კანონი არ კრძალავდა. მაღალი საჯარო ინტერესის გამო პროკურატურამ წინასწარი გამოძიება დაიწყო.