დასავლეთ ევროპის ქვეყნების ლიდერებმა ბრიტანეთს ლონდონში მომხდარი თავდასხმის გამო სოლიდარობა გამოუცხადეს.

პარიზის მერმა დაშავებულების სოლიდარობის ნიშნად ეიფელის კოშკის განათების გამორთვა ბრძანა.  დაშავებულებს შორის არის ფრანგი მოსწავლეც.

საფრანგეთის პრემიერ-მინისტრმა ბერნარ კაზნევმა დაშავებულების ოჯახებს მხარდაჭერა აღუთქვა.

ხუთი ადამიანი, მათ შორის თავდამსხმელიც, დაიღუპა და 40-ზე მეტი დაშავდა, 22 მარტს, ლონდონში პარლამენტის შენობასთან მომხდარი თავდასხმის შედეგად.

პოლიცია მიიჩნევს, რომ თავდამსხმელს, რომელმაც ვესმინსტერის ხიდზე ქვეითებს ავტომობილით გადაუარა და ერთი პოლიციელი დანით მოკლა, შესაძლოა რადიკალურ ისლამთან ჰქონოდა კავშირი.