შავი ზღვის დაბინძურების ფაქტზე მალტის დროშით მცურავი გემი 65 000 ლარით დააჯარიმეს
შავი ზღვის დაბინძურების ფაქტზე მალტის დროშით მცურავი გემი 65 000 ლარით დააჯარიმეს.
როგორც გარემოს დაცვის სამინისტროში აცხადებენ, გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის წარმომადგენლებთან ერთად, შავი ზღვის დაბინძურების ფაქტზე მალტის დროშით მცურავი გემი 65 000 ლარით დააჯარიმეს. სამართალდამრღვევმა ყულევის ნავსადგურში სამეურნეო ფეკალური წყლები ჩაღვარა.
სამინისტროს ინფორმაციით, გემის კაპიტანს 65 000 ლარიანი ჯარიმის გარდა, დაეკისრა გარემოსთვის მიყენებული ზიანის ანაზღაურებაც, რომლის ოდენობაც 3000 ლარს აღწევს.
აღნიშნული გემი საქართველოს ტერიტორიულ წყლებს ჯარიმის გადახდის შემდეგ დატოვებს.
