ყოფილი ამერიკელი სენატორი და მსახიობი ფრედ ტომპსონი 73 წლის ასაკში გარდაიცვალა.

CNN-ის ინოფრმაციით, გარდაცვალების მიზეზი ლიმფომის რეცედივი გახდა, რომელიც ტომპსონს ჯერ კიდევ ათი წლის წინ აღმოუჩინეს.

სიცოცხლის უკანასკნელ დღეებში მსახიობი ნეშვილში ოჯახის წევრების გარემოცვაში იმყოფებოდა.

ტომპსონი რესპუბლიკური პარტიის წევრი იყო. ის სენატში 1994 წელს დამატებითი არჩევნების შედეგად მოხვდა, როდესაც ალბერტ გორმა სენატორის ადგილი ვიცე-პრეზიდენტად დანიშვნის გამო გაათავისუფლა.

ორი წლის შემდეგ ტომპსონმა კენჭი სრული ვადით იყარა. 2002 წელს კი განაცხადა რომ არჩევნებში მონაწილეობას აღარ მიიღებდა.

2008 წელს ტომპოსნმა აშშ-ის პრეზიდენტობის კანდიდატობისთვისაც იბრძოლა, მაგრამ სენატორ ჯონ მაკეინთან დამარცხდა.

როგორც მსახიობმა, ტომპოსონმა პოპულარობა მოიპოვა ფილმებით ”ნადირობა ”წითელ ოქტომბერზე”, ”კერკეტი კაკალი 2” და ”ცეცხლის ხაზზე”. მას ფილმებში მონაწილეობა სიცოცხლის ბოლო წუთებამდეც არ შეუწყეტია.