სამეცნიერო ჟურნალ "Cell"-ის მიხედვით, ჰოლანდიის ერასმუსის სახელობის უნივერსიტეტის მეცნიერ-მკვლევარებმა თაგვებზე წარმატებით გამოსცადეს წამალი, რომელიც ორგანიზმის დაბერებას ხელს უშლის.

სტატიაში აღნიშნულია, რომ ასაკოვანი ადამიანების ქსოვილში დაბერებული უჯრედების თანდათანობით დაგროვება, ართრიტის (ორგანიზმის მიერ წარმოებული სახსრებში ანთებითი პროცესი) და დიაბეტის (შაქარი) დაავადებებს წარმოშობს.  ამ უჯრედებს კლავს და დაბერებას აჩერებს სწორედ ჰოლანდიელი მეცნიერების მიერ გამოგონილი ე.წ. „ახალგაზრდობის ელექსირი“, რომელშიც დაბერებულ უჯრედებში თვითგანადგურების გამღვიძებელი პეპტიდის ნივთიერება არსებობს.

ერთის მხრივ, ელექსირ მიღებული ასაკოვანი თაგვების ფიზიკური გამძლეობა გაიზარდა, ხოლო მეორეს მხრივ სარბენ ბორბალში მათ უფრო მეტი დროის გატარება დაიწყეს და ადრინდელზე ორჯერ უფრო მეტხანს დარჩნენ მასში.

გარდა ამისა,  ელექსირ მიღებული თაგვების შინაგანი ორგანოების მოქმედებაც უფრო გააქტიურდა  და მათ ბეწვებშიც აშკარა შესამჩნევი გაუმჯობესება დაფიქსირდა. მკვლევარების აზრით, ჰოლანდიელების წამალი ძალზედ ეფექტური იქნება სიმსივნის წინააღმდეგ ბრძოლაშიც. უახლოეს დღეებში ამ პრეპარატს ადამიანებზეც გამოცდიან.