ვიზალიბერალიზაციის აღსანიშნავად ევროპის მოედანზე გალა-კონცერტი გაიმართება
დღეს, ევროპის მოედანზე სპეციალურად ვიზალიბერალიზაციის ამოქმედების დღესთან დაკავშირებით მოწყობილი ინსტალაციის - საქართველოსა და ევროკავშირის დროშების განათების საზეიმო ღონისძიება და გრანდიოზული გალა-კონცერტი გაიმართება.
კონცერტში მონაწილეობას მიიღებენ, როგორც სოლო შემსრულებლები, ასევე ბენდები, ორკესტრი დავით მაზანაშვილის ხელმძღვანელობით, ოპერის ქალთა გუნდი.
გალა-კონცერტი ევროპის მოედანზე 21:00 საათზე დაიწყება და საზეიმო ფოიერვერკით დასრულდება.
