პარლამენტის თავმჯდომარემ, ირაკლი კობახიძემ საქართველოში სახელმწიფო ვიზიტით მყოფ ლატვიის პრეზიდენტს რაიმონდს ვეიონისს სამუშაო სადილზე უმასპინძლა.

მხარეებმა ორ ქვეყანას შორის არსებულ მეგობრულ ურთიერთობებზე ისაუბრეს. ირაკლი კობახიძემ აღნიშნა, რომ საქართველოს პარლამენტი მოწადინებულია, რომ ეს ურთიერთობები კიდევ უფროგაღრმავდეს, მათ შორის, საპარლამენტო დონეზე.                                                                        

ამ კონტექსტში პარლამენტის თავმჯდომარემ ხაზი გაუსვა რამდენიმე დღის წინ, სკანდინავიისა და ბალტიის ქვეყნების რვიანის წევრ სახელმწიფოთა საკანონმდებლო ორგანოების მაღალითანამდებობის პირებთან ერთად, ლატვიის პარლამენტის თავმჯდომარის ვიზიტის მნიშვნელობას.

პარლამენტის თავმჯდომარემ ლატვიის პრეზიდენტს აგრეთვე გააცნო სახელმწიფო საკონსტიტუციო კომისიის მუშაობის ძირითადი პრინციპები, მიზნები და მიმდინარე საკითხები.