თელავში დღეს მევენახეობა-მეღვინეობის დარგის განვითარების ფორუმი გაიმართება
თელავში დღეს მევენახეობა-მეღვინეობის დარგის განვითარების ფორუმი გაიმართება
ფორუმზე, რომლის ორგანიზატორი ENPARD-ი და სოფლის მეურნეობის სამინისტროა, მოისმენენ დარგში თვითდასაქმებულ წვრილი მევენახეების პრობლემებს, გაიმართება დისკუსია თუ როგორ უნდა მოხდეს წვრილი მეწარმეების მხარდაჭერა.
როგორც ცნობილია, ხელისუფლება მევენახეობა-მეღვინეობის განვითარებას ერთ-ერთ პრიორიტეტად აღიარებს. ამ დარგში დღეისათვის თითქმის 50,000 წვრილი (საშუალოდ 0,5 ჰა) საოჯახო ფერმერული მეურნეობა არის თვითდასაქმებული და მათი უდიდესი უმრავლესობისთვის ყურძნის წარმოება შემოსავლის უმთავრეს წყაროს წარმოადგენს.
