ბათუმის მერიამ 2016 წლის ბიუჯეტის პროექტის საჯარო განხილვა დაიწყო. მერიის ინფორმაციით, 2016 წლისთვის ბათუმის მთავარი ფინანსური დოკუმენტის პრიორიტეტები 6 მიმართულებით გადანაწილდა. 24 მილიონ 950 ათას 853 ლარი წარმომადგენლობითი და აღმასრულებელი ორგანოების დაფინანსებას მოხმარდება. თავდაცვის, საზოგადოებრივი წესრიგისა და უსაფრთხოებისთვის 40 ათასი ლარია გათვალისწინებული. ინფრასტრუქტურის მშენებლობის, რეაბილიტაციისა და ექსპლუატაციისთვის 81 მილიონ ნახევარი დაიხარჯება. კულტურა, რელიგია, ახალგაზრდების ხელშეწყობა და სპორტი ბიუჯეტიდან 16 მილიონ 500 ათასი ლარით დაფინანსდება. რაც შეეხება მოსახლეობის ჯანმრთელობისა და სოციალური დაცვის უზრუნველყოფას, 2016 წლის ბიუჯეტიდან მას 10 მილიონ 180 ათასი ლარი მოხმარდება.
ბათუმის მუნიციპალიტეტის 2016 წლის ბიუჯეტის პრიორიტეტები, ჯამში, 147 მილიონ 180 ათასი ლარით განისაზღვრა.