საქართველოს ეროვნულმა საინვესტიციო სააგეტნტომ ჰონგ-კონგში გამართულ საერთაშორისო კონფერენცია „Asia Beyond Limits”-ის საქართველოსთვის დათმობილ სესიაში მიიღო მონაწილეობა. სააგენტოში განმარტავენ, რომ წლევანდელი კონფერენცია ახალი აბრეშუმის გზის „ერთი სარტყელი – ერთი გზა"-ს პრინციპების, ბიზნესშესაძლებლობებისა და ტრანსსასაზღვრო თანამშრომლობის განხილვას ისახავდა მიზნად.

ღონისძების ფარგლებში გაიმართა ასევე სპეციალური სესიები „აღმოაჩინე ბიზნესშესაძლებლობები CACCI-დახმარებით“, სადაც ცალკე პანელი საქართველოსაც დაეთმო. სესიაზე დამსწრე საზოგადოებას ქართული დელეგაციის ხელმძღვანელმა, CACCI-ს ამჟამინდელმა პრეზიდენტმა, ჯემალ ინაიშვილმა საქართველოში მიმდინარე ეკონომიკური პროცესები და სიახლეები წარუდგინა.

ხოლო რაც შეეხება ქვეყანაში არსებული საინვესტიციო შესაძლებლობებსა და პროექტებს, კონფერენციაში მონაწილე ბიზნესმენებს ინფორმაცია საქართველოს ეროვნული საინვესტიციო სააგენტოს დირექტორის პირველმა მოადგილემ, თამუნა ლილუაშვილმა მიაწოდა.

ღონისძიების ფარგლებში ასევე გაიმართა რამდენიმე ორმხრივი შეხვედრა პარტნიორი ქვეყნების ბიზნესისა და სამთავრობო დელეგაციების წარმომადგენლებს შორის.

აღსანიშნავია, რომ აზიის სავაჭრო სამრეწველო პალატების კონფედერაცია (CACCI) წარმადგენს არსამთავრობო ორგანიზაციას, რომელიც 1966 წელს დაარსდა და აზია-წყნარი ოკეანის 27 ქვეყნის სავაჭრო პალატებისა და ბიზნესის წარმომადგენელთა წრეებს აერთიანებს.

2014 წელს კონფედერაციის 22-ე პრეზიდენტად არჩეული იქნა ჯემალ ინაიშვილი, საქართველოს სავაჭრო-სამრეწველო პალატის საბჭოს წევრი და ყოფილი პრეზიდენტი. შესაბამისად, საქართველოს დელეგაცია წელს ჰონგ-კონგის ღონისძიებაზე საპატიო სტატუსით იმყოფებოდა.