ბაშარ ასადის სირიის პრეზიდენტის პოსტიდან ჩამოშორება ამერიკის პოლიტიკის მთავარ მიზანს აღარ წარმოადგენს, ამის შესახებ გაეროში აშშ-ის მუდმივმა წარმომადგენელმა ნიკი ჰეილიმ განაცხადა.

მისი თქმით, ამერიკელბის მთავარი პრიორიტეტი სირიელების ცხოვრების უკეთესობისკენ შეცვლის შესაძლებლობების მოძიება იქნება.

მისივე თქმით, სწორედ ასეთი პოლიტიკა გატარდება პრეზიდენტ დონალდ ტრამპის ხელისუფლებაში ყოფნისას, იმ დროს როცა ბარაკ ობამა ასადის თანამდებობიდან ჩამოშორების მიღწევას ცდილობდა.

ექსპერტების აზრით, იმის მიუხედავად, რომ სირიაში ასადის პოზიციები რაღაც მომენტში შესუსტდა, ამჟამად ის გაცილებით თავდაჯერებულად გამოიყურება, რადგან რუსეთისგან სამხედრო მხარდაჭერით არის უზრუნველყოფილი.